lunes, 19 de diciembre de 2022

EKOLURRA

 Ikasturte honetan ere EKOLURRA programan parte hartu dugu 6.mailako ikasleekin. 

Jauregibarrian kokatuta dagoen ENEEK (Euskadiko Nekazaritza eta Elikadura Ekologikoaren Kontseilua)  egoitza bisitatu dugu. Jasangarritasunaz eta ekologiaren inguruan aritu gara bertan. 


Gero, Ibarra auzoko negutegiak bisitatu ditugu. Bertako ekoizleak hurbiletik ezagutzeko aukera izan dugu. Lehenengo sektorearen garrantziaz ohartzeko jardunaldi paregabea izan da! 









lunes, 28 de noviembre de 2022

KAI ortua. Google Sites

 Martxan dago jada gure KAI ortua!

4.mailako ikasleak izango dira ikasturte honetan ortuko arduradunak. 

Google Site honetan jasoko ditugu 4.mailakoek egindako lanak, aurkezpenak, argazkiak, uzta ... Baita ortuaren inguruko bitxikeriak ere! 

https://sites.google.com/karmengoama.eus/kai-ortua/orri-nagusia




17 GIH (Garapen iraunkorreko helburuak) eta ikastetxeko konpromezuak

 Ikastetxeak 2022-2023 ikasturterako konpromezu hauek hartuko GIH bakoitza lantzeko. 

Mundu hobeago baterantz urratsak ematen 🌍




viernes, 7 de octubre de 2022

Eko-arduradunak 22-23

 Hona hemen ikasturte honetan proiektu hau garatzen lagunduko gaituzten ikasleak. Haiek barik ezinekoa izango zen!







viernes, 23 de septiembre de 2022

2022-2023 Ikasturtearen hasiera. ONGI ETORRI "ESKOLA AGENDA 2030"!

Ikasturte honetan orain arte gurekin izan den "Eskola Agenda 21" proiektua, izen berri eta erronka berriekin etorri da gurera: ESKOLA AGENDA 2030. 

2015eko irailean, 193 herrialdek 2030 Agenda deritzona onartu zuten NBEko Batzar Orokorrean. Agenda horrek Garapen Jasangarriko 17 Helburu ditu (GJH), eta mundu osoan aplikatu beharreko 169 xede. Xede horiek, 2016tik, herrialde guztiek egiten dituzten ahaleginak zuzentzen dituzte, 2030ean mundu jasangarri bat lortzeko eta mundu osoan eragina duten ingurumen, gizarte eta ekonomia arazo larriei aurre egiteko. Agenda 2030en bidez, herrialde sinatzaileek neurri ausart eta eraldatzaileak hartzeko konpromisoa hartzen dute; neurri horiek beharrezkoak dira, lehenbailehen, mundua jasangarritasunaren eta erresilientziaren bidetik bideratzeko. Helburuek bilatzen dutena da pertsonen arteko berdintasuna lortzea, planeta babestea eta oparotasuna bermatzea, garapen jasangarriko agenda berri baten barruan. Garapen Jasangarriko 17 Helburuak eta 169 xedeak elkarri lotuta daude, eta integratuak eta zatiezinak dira.



Karmengo Ama ikastetxean jarraitzen dugu ingurumenarekiko konpromisoarekin, baita gure ikasleak herritar aktibo eta kritikoak izateko hezkuntzarekin. 

Gure hezkuntza ekintza eta ikuspegia bat dator proiektu honek proposatzen dituen 17 Garapen Jasangarrirako Helburuekin (GJH). 

Eskola Agenda 2030en nondik norakoak ezagutzeko, ondorengo bideo hau ikusgai duzue: 



miércoles, 11 de marzo de 2020

Ur ekosistemen kutsadurak



Ikastetxeko aurtengo agenda 21 gaia kontuan izanik, Ur ekosistemak. Kontsumo arduratsua, gure txoko berdea irudian dugun muntaiarekin apaindu dugu. Bertan pilek, olioak eta plastikoek sortzen dituzten ingurumen arazoak azaltzen ditugu.

Olioari dagokionez, esan daiteke kutsakorra izateaz aparte arrain hiltzailea dela. Olioa ibaietara isurtzen badugu, geruza bat sortuko da ur gainazalean. Horren ondorioz uraren oxigenazioa zailagoa izango da, arrainak ito eta heriotzera eraman arte.


Pilek ere ingurumen arazo larriak sortzen dituzte. Ur ekosistemetan ur litro asko kutsatzen ditu, pila batek esate baterako, 167.000 litro ur kutsatzen ditu. Ur kutsatu hau tratatzea oso zaila izateaz aparte, uretako izaki bizidun asko hiltzen ditu.
 Plastikoak gure ur ekosistemetan aurki ditzakegu maiz. Gure herrietako ibai bazterretan aurkitzen ditugu eta ohiko irudia bihurtu da tamalez. Kontzienteak izan behar gara plastikoak ez direla berez desagertzen, urte asko pasa ondoren, ez dira desintegratzen, mikroplastikoetan transformatzen dira. 


jueves, 16 de enero de 2020

Funghi thinking

Funghi thinking proiektutik lortutako uzta probatzeko aukera izan genuen irakasleok. Kalitatezko perretxikoak lortu genituen, eta benetan goxoak!

Hurrengo uztaren zain gaude. Ikasleek probatzeko aukera izango dute oraingoan.